कञ्चनपुर । कञ्चनपुरको एक स्पा सेन्टरले रक्तदान गरेको छ । भीमदत्त नगरपालिका ५महेन्द्रनगर बनखेतमा रहेको कोहिनुर स्पाले रक्तदान गरेको हो । शनिबार एक कार्यक्तमका विच कोहिनुर स्पाले रक्तदान गरेको संचालकले जनाएको छ ।
कोहिनुर स्पाका संचालक नरेन्द्र शाहले नेपाल रेडक्रस सोसाईटी कञ्चनपुरको प्राविधिक एव द बर्गर हाउसको सहयोगमा रक्तदान गरेको बताए ।
शाहले रक्तदान जिवन दान भन्ने प्रणका साथ रक्तदान गरिएको बताए । व्यवसायसंगै समाजिक कामकाज गर्ने उदेश्यका साथ रक्तदान गरेको उनले बताए ।
‘हामीले यो समाजका लागि केही समाजिक काम पनि गर्ने योजना छ, ‘उनले भने, ‘बिरामीको उपचारका लागि रगत अभाव हुन नदिने उदेश्यका साथ रक्तदान गरेका हौँ ।’
संचालक शाह सहित १७जनाले रक्तदान गरेका छन । कोहिनुर स्पाले आयोजना गरेको उक्त रक्तदानबाट संकलन भएको विभिन्न समुहको रगत विभिन्न प्रकृतिका बिरामीको उपचारमा टेवा पुग्ने रेडक्रसले जनाएको छ ।