कञ्चनपुर । यो उर्लिदो साउने महाकाली नदीको भेलमा दुई बालिका बेपत्ता भएका छन । नुहाउनेक्रममा भीमदत्त नगरपालिका ११ भुजेलाका बालिकाद्वय दिदिबहिनी वेपत्ता भएका हुन ।
भीमदत्त नगरपालिका ११ का वडाध्यक्ष प्रकास थापाले विद्यालयबाट छुट्टी भएसंगै महाकालीमा नुहाउनका लागि ११ बर्षिया दाजु निरज पन्त(सागर)संगै महाकाली नदी किनार पुगेका बालिकाद्वय ६ बर्षिया जिविका पन्त र ७ बर्षिया सानवि पन्त बेपत्ता भएका हुन ।
आइतबार दिउँसो भुजेलाका पन्त दाजुभाई पदम र मुकेश पन्तकी दुवै छोरी नुहाउने क्रममा बेपत्ता भएका हुन । बालिकाद्वय पन्तकी आफन्त छिमेकी रत्ना भारतीले भीनपा ११ भुजेला घाट कालो मुढा क्षेत्रबाट जिविका र सानविले हाम फालेको बताईन ।
जेठो दाजु निरजले तिमिहरु यहाँ खडा हौँ, म पहिला किनारमा नुहाउँछु पछि तिमिहरु नुहाउँला भन्यो, दाजुको कुरा नसुनेर बहिनीहरुले माथिबाट हामफालेका रहेछन । उनीहरुसंगै ४ बर्षिया एक जना भाईपनि महाकाली नदीमा पुगेका थिए, उनले डरले ननुहाएको उनले बताईन । वेपत्ता बालिकाद्वय जिविका र सानवि भुवनेश्वरी विद्या मन्दिर(विद्यालय) कक्षा १मा अध्ययनरत छन । परीक्षा सकिएपछि घर पुगेका पन्त परिवारका चारै जना बालबालिका नुहाउन महाकाली पुगेका हुन । कलिला बालिका हराएपछि पन्त परिवार शोकाकुल भएको छ । कञ्चनपुरका प्रहरी प्रवक्ता सागर बोहराले नेपाल प्रहरी, सशस्त्र प्रहरी,नेपाली सेना सहितका स्थानीय खोजिरहेका छन ।