केशव थापा
कञ्चनपुरको महेन्द्रनगरमा नर बहादुर कर्माचार्य स्मृति प्रतिष्ठानको कार्यालय उद्घाटन गरिएको छ । भीमदत्त नगरपालिका ६महेन्द्रनगर (ऐठपुर) पंकज रावलकोे घरमा नर बहादुर कर्माचार्य स्मृति प्रतिष्ठानको कार्यालय उद्घाटन गरिएको हो ।
मंगलबार नेकपा माअोवादी केन्द्रका बरिष्ठ नेता एव पुर्व उपप्रधान तथा गृहमन्त्री नारायणकाजी श्रेष्ठले कर्माचार्य स्मृति प्रतिष्ठानको कार्यालय उद्घाटन गर्दै कम्युनिष्ट नेताले समाज परिर्वतनका लागि गरेको योगदानको चर्चा गर्नुभयो । माओवादी नेता श्रेष्ठले कर्माचार्यले समाजको बृद्धि विकासका लागि अघि सारेका नीति, कार्यक्रम सिद्धान्तलाई अघि बढाउनुपर्नेमा जोडदिएका छन । नर बहादुर कर्माचार्य स्मृति प्रतिष्ठानका अध्यक्ष पोतिलाल चौधरीले कर्माचार्यले देखाएकोे मार्गमा अघि बढेर जनताको पक्षमा काम गर्ने प्रतिज्ञा गरेका छन । कम्युनिष्ट पाटीका संस्थापक सदस्य समेत रहेका कर्माचार्य माओवादीको संस्थापक हुन ।
नर बहादुर कर्माचार्य स्मृति प्रतिष्ठानका जिल्ला सचिव पंकज रावलले संचालन गरेको कार्यक्रममा माओवादी नेता कार्यकर्ता, सहित कम्युनिष्ट अगुवाहरुको सहितको उपस्थिति रहेको थियो ।