कञ्चनपुर, असोज, १६ । कञ्चनपुरको कृष्णपुर नगरपालिमा धान थ्रेसिङ गर्दा थ्रेसिङ मेसिनमा परेर एकजना महिलाको मृत्यु भएको छ।

आज बिहान ७ बजे धान थ्रेसिङ गर्ने क्रममा मेसिनमा परेर कृष्णपुर नगरपालिका वडा नम्वर ७ मा ४५ बर्षीया लक्ष्मी साउँदको मृत्यु भएको जिल्ला प्रहरी कार्यालय कञ्चनपुरका प्रहरी नायव उपरिक्षक अमरवहादुर थापाले बताउनुभयो।

धान थ्रेसिङ मेसिनको पट्टामा कपाल परेपछि महिलाको घटनास्थलमै मृत्यु भएको हो। सोधपुछका लागि ट्याक्टर धनी समेत रहेका चालक गणेश रानालाई नियन्त्रणमा लिएको थापाले बताए।