साताको पहिलो दिन आइतबार तोलामा ३ सय रुपैयाँ बढेको सुन सोमबार स्थिर रहेको छ । शुक्रबार तोलाको ९४ हजार रुपैयाँमा कारोबार भएको सुन आइतबार ९४ हजार ३ सयमा कारोबार भएको थियो । नेपाल सुनचाँदी व्यवसायी महासंघका अनुसार सोमबारका लागि छापावाल सुनको मूल्य ९४ हजार ३ सय कायम भएको छ ।
यसैगरी आजका लागि तेजाबी सुनको मूल्य ९३ हजार ८ सय कायम भएको छ । आइतबारको तुलमा चाँदीको मूल्यमा पनि कुनै फेरबदल आएको छैन । सोमबारका लागि चाँदी तोलाको १ हजार २१० रुपैयाँमा कारोबार भइरहेको महासंघले जनाएको छ। अन्तर्राष्ट्रिय बजारका आधारमा सुनको मूल्य उतार चढाव हुने गरेको महासंघले जनाएको छ । अन्तर्राष्ट्रिय बजारमा आज सुन प्रतिऔंस १८ सय ७० अमेरिकी डलरमा कारोबार भइरहेको छ।
प्रतिक्रिया दिनुस