बैतडीमा ४ पत्रकारलाई कोरोना सङ्क्रमण पुष्टि भएको छ। रेडियो निङ्गलाशैनीका स्टेसन म्यानेजर भगीरथ अवस्थी, लेखापाल जयराज अवस्थी, नागरिक दैनिकका समाचारदाता बिरा गडाल र एभिन्युज टेलिभिजनका संवाददाता लोकेश साउदलाई कोरोना भाइरसको सङ्क्रमण पुष्टि भएको हो।

सङ्क्रमित ४ जनामध्ये १ जनाले कोरोना जितिसकेको छन् भने ३ जनामा कोरोना सक्रिय अवस्थामै रहेका स्वास्थ्य कार्यालय बैतडीले जनाएको छ। पत्रकार साउदले भने कोरोना जितिसकेका छन्। सक्रिय सङ्क्रमित पत्रकारहरू सबै होम आइसोलेसनमा रहेका छन्। उनीहरू सबैको अवस्था सामान्य रहेको पत्रकार महासङ्घ बैतडीका अध्यक्ष प्रेम भाटले जानकारी दिए।

अग्रपङ्क्ति खटिने पत्रकारलाई कोरोना देखिदा समेत राज्यको तर्फबाट कुनै सेवा सुविधा उपलब्ध नभएको उनले गुनासो गरे। जनताका पिर मर्का तथा समाचार सङ्कलनका लागि जोखिम मोलेर काम गरिरहेको पत्रकारहरूका लागि सरकारले राहतका कार्यक्रम ल्याउनुपर्ने उनको जोड छ।