फाइल।
कैलालीमा ट्रक पल्टिादा ४ जना घाइते भएका छन् भने एक जनाको अवस्था गम्भीर रहेको छ। जिल्लाको जिल्लाको चुरे गाउँपालिका ६ डुम्रेनीमा मंगलबार ट्रक पल्टिँदा चालकसहित ४ जना घाइते भएका हुन्।
घाइते हुनेमा डडेल्धुराको परशुराम नगरपालिका ४ बस्ने ट्रक चालक २९ वर्षीय दानबहादुर कामी, सोही ठाउँका १८ वर्षीय दशरथ सिलाल, ३८ वर्षीय नरेन्द्र बोहरा र २० वर्षीय करन कामी रहेका छन्। घाइते करन कामीको सिसाले टाउको काटिएको छ। उनको अवस्था गम्भीर रहेको प्रहरीले जनाएको छ।
उनिहरुको अत्तरियाको पद्मा अस्पतालमा उपचार भइरहेको प्रहरीले जनाएको छ। डडेल्धुराको जोगबुढाबाट अत्तरियातर्फ आइरहेको से ७ ख १२९ नम्बरको ट्रक अनियन्त्रित हुँदा सडकको दाहिने साइडमा पल्टिँएको हो। ट्रक घटनास्थलमै हुँदा सडक अवरुद्ध रहेको प्रहरीले जनाएको छ। साना सवारी साधन चलेपनि ठूला सवारी चल्न सकेका छैनन्। सडक खुुलाउने कार्य भैरहेको प्रहरीले जनाएको छ।