फाइल।
कैलालीमा मोटरसाइकल एकआपसमा ठोक्किदा १ जनाको मृत्यु भएको छ। पूर्वपश्चिम राजमार्ग अन्तरगत जिल्लाको गौरीगंगा नगरपालिका–३ को कुचैनीमा से१प५५७८ र से ६प ३७११ को मोटरसाइकल एकआपसमा ठोक्किदा १ जनाको मृत्यु र ३ जना घाइते भएको प्रहरीले जनाएको हो।
जिल्ला प्रहरी कार्यालयका प्रवक्ता प्रहरी नायब उपरीक्षक प्रतीक बिष्टले से १प ५५७८ नम्बरको मोटरसाइकलमा सवार धनगढी उपमहानगरपालिका–१९ का पुरन बोहोराको मृत्यु भएको दिनेशखबरलाई बताए। उनका अनुसार दुर्घटनामा परी गम्भीर घाइते भएका बोहोराको उपचारका क्रममा कोहलपुर मेडिकल कलेजमा मृत्यु भएको हो।
यस्तै दुर्घटनामा परी घाइते सोही मोटरसाइकलका चालक धनगढी उपमहानगरपालिका–१७ का रमेश बोहोराको कोहलपुरमै उपचार भइरहेको छ। अर्को मोटरसाइकलका चालक धनगढी उपमहानगरपालिका–१५ का हुकुमसिंह खत्री र पछाडी सवार लिलु चौधरीको पनि घाइते भएका छन्। उनीहरुको धनगढीमा उपचार भइरहेको प्रहरीले जनाएको छ।