फाइल।
बैतडीमा ट्याक्टर दुर्घटना हुँदा चालकको घटनास्थलमै मृत्युभएको छ। मृत्यु हुनेमा दोगडाकेदार गाउँपालिका ८ का ट्याक्टर चालक २६ वर्षीय नरेश बहादुर विष्ट रहेका छन्।
खोचलेक प्रहरी चौकीका इञ्चार्ज,प्रहरी नायव निरीक्षक मोती बमका अनुसार सु.प.प्र . ०१ ००२ त ४९५७ नम्बरको ट्याक्टर दोगडाकेदार गाउँपालिकाको सिल्लेगडा–माल्लेक सडकखण्डको घोडेधारमा आज बिहान पौने ९ बजे दुर्घटनामा परेको हो। सिल्लेगडाबाट सरिया सिमन्ट बोकेर कुुकुुडेपानीतर्फ जादैं गरेको ट्याक्टर तुसारो परेको सडकबाट चिप्लेको खोचलेक प्रहरी चौकीले जनाएको छ। उक्त ट्याक्टरमा अन्य ४ जना पनि सवार रहेका भएपनि उनीहरुले सकुसल रहेका प्रहरीले जनाएको छ। मृतकको शव परीक्षणका लागि जिल्ला अस्पताल पठाईएको छ। दुर्घटनाग्रस्त उक्त ट्याक्टर दोगडाकेदार ३ श्रीकोटका राजिव जोशीको रहेको प्रहरीले जनाएको छ।
प्रतिक्रिया दिनुस