बाजुरामा ट्रयाक्टर दुर्घटना हुँदा एक जनाको मृत्यु भएको छ। मार्तडीबाट तिपाडा जाँदै गरेको अनटेस्ट ट्रयाक्टर चौराटी खेत नजीक दुर्घटना हुँदा ट्रयाक्टर धनी ६० वर्षीय धननाथ योगीको मृत्यु भएको छ।
जिल्ला प्रहरी कार्यालय बाजुराका प्रहरी निरीक्षक लोकेन्द्र सिंह ठगून्नाका अनुसार स्वामिकार्तिक गाउँपालिका –४ छापुका योगीको जिल्ला अस्पताल बाजुरामा उपचारका क्रममा मृत्यु भएको र ट्रयाक्टर चालक भने फरार रहेका छन्।
गएराती १० बजे सामान लिन तिपाडातिर खालि सिलिन्डर ग्यास लैजाँदै गर्दा ट्रयाक्टर दुर्घटना भएको प्रहरी निरीक्षक ठगून्नाले बताए। उनका अनुसार ट्रयाक्टर रोडबाट १०० मिटर तल खसेको थियो।
प्रतिक्रिया दिनुस