कैलालीमा हतकडी सहित फरार एक जना पक्राउ परेका छन्। लागू औषध खैरो हिरोईन सहित पक्राउ परी हतकडी सहित फरार जोशीपुर ७ का सुरेन्द्र शाहीलाई प्रहरीले पक्राउ गरेको हो।

माघ १७ गते बेलुका एक ग्राम तिन सय पचास मिली ग्राम सहित पक्राउ परेका शाही इलाका प्रहरी कार्यालय जोशीपुर लैजाने क्रममा फरार भएका थिए। जोशीपुर ३ लक्कड बाट हतकडी सहित फरार भएका शाहीलाई माघ २० गते धनगढी उपमहानगरपालिका वडा नम्बर १ पार्क मोडको वनदेवी मन्दिर नजिकबाट पक्राउ गरेको प्रहरी प्रवक्ता प्रहरी नायव उपरीक्षक प्रतीक विष्टले बताए। उनीमाथि थप अनुसन्धान गरी आवस्यक कार्वाही अगाडी बढाइने प्रहरीले जनाएको छ।