कञ्चनपुरको बेलडाँडी गाउँपालिका र बेदकोट नगरपालिकामा आगलागी भएको छ। बेलडाँडी गाउँपालिका ५ इमालियामा शुक्रबार साँझ ६ बजे स्थानीय सोनुराम चौधरीको २ कोठे कच्ची घरमा आगलागी भएको प्रहरीले जनाएको छ। भान्साबाट सल्को आगोले घरमा आगलागी भएको जिल्ला प्रहरी कार्यालय कञ्चनपुरका प्रहरी नायव उपरीक्षक अमरबहादुर थापा क्षेत्रीले बताए ।

आगलागीबाट ५ बोरा धान, १ बोरा कपास जलेर नष्ट भएको प्रहरीले जनाएको छ। स्थानीय र प्रहरीको सक्रियातामा आगो नियन्त्रणमा लिइएको थियो। यस्तै जिल्लाको बेदकोट नगरपालिका ७ गौजी बस्ने स्थानीय दिवानी सुनारको घरको आँगनमाा राखिएको परालमा आगलागी भएको थियो। आगलागीबाट मानवीय र पशुजन्य क्षति नभएको प्रहरीले जनाएको छ।