कञ्चनपुरमा ६ जना जुवाडे पक्राउ परेका छन्। जिल्लाको बेतकोट नगरपालिका – ३ दैजी बजार स्थित अर्जुन रेष्टुरेन्ट बाट ६ जना जुवाडेलाइ प्रहरीले पक्राउ गरेको हो। शनिबार अर्जुन सिह भण्डारीले संचालन गरेको अर्जुन होटल रेष्टुरेन्टबाट ६ जना जुहाडेलाई पक्राउ गरीएको कञ्चनपुर प्रहरीले जनाएको हो।
जिल्ला प्रहरी कार्यालय कञ्चनपुरका प्रहरी प्रवक्ता अमर बहादुर थापाले विशेष सूचनाका आधारमा ६ जनालाई पक्राउ गरिएको बताए। उनका अनुसार ५० हजार ५ सय ९५रुपैया बरामद गरीएको छ। पक्राउ पर्नेमा भीमदत्त नगरपालिका ६ का सुदिप भट्ट, शिवराज जोशी, केशव सार्की भीनपा ७ हल्दुखालका केशव राज भट्ट, ९ का प्रकास जोशी र ३ का विष्णु शाही रहेका छन्। मुलुकी अपराध संहिता २०७४ बमोजिम जुवा खेल्न वा सट्टाबाजी गर्न नहुने कसुर अन्तर्गत अनुसन्धान भईरहेको डिएसपी थापाक्षेत्रीले बताए।
प्रतिक्रिया दिनुस