बैतडीका पत्रकार लक्ष्मण बिसीले जन्मदिनको अवसरमा एक बिपन्न परिवारलाई खाद्यान्न सहयोग गरेका छन। शुक्रबार पत्रकार बिसिले मेलौली नगरपालिका वडा नम्बर ७ का खेउडे दयालको परिवारलाई खाद्यान्न सहयोग गरेका हुन।
जन्मदिनमा अनाबश्यक खर्च गर्नुभन्दा सानो भए पनि आफुले गरेको सहयोगले कसैलाई राहत पुगोस भन्ने उदेश्यले खाद्यान्न सहयोग गरेको पत्रकार बिसिले बताए। आर्थिक अबस्था निकै दयनिय भएका ६२ बर्षिया दयालका ९ बर्षिय १ छोरा र २ छोरी छन्।
दम रोगबाट ग्रसित दयाललाई सहयोग गर्न पाउदा निकै खुसी लागेको पत्रकार बिसिले बताए। दमको बिरामि भएका उनलाई अहिले दैनिक गुजारा चलाउन पनि निकै हम्मे हम्मे परेको छ। आफु बुढो भईसकेको र अब काम गर्नपनि नसक्ने अवस्थामा आईसकेकाले अझपनि सहयोगको अपेक्षा गरेको दयालले बताए। खाद्यान्न बितरणमा मेलौली नगरपालीका वडा न १ का अध्यक्ष सुरत नेगि लगायतको सहभागीता थियो। पत्रकार बिसि रेडियो मेलौलीका स्टेशन प्रमुख हुन।