कञ्चनपुर ,असार २० ।कञ्चनपुरको शुक्लाफाँटा नगरपालिकाको नगर प्रवक्ता फेरिएका छन् । शुक्लाफाँटा नगरपालिका वडा नम्बर ५ का वडाध्यक्ष कमल गिरी नयाँ नगर प्रवक्तामा नियुक्त भएका छन ।आज बसेको नगरसभाबाट वडा नम्बर ५ का वडाध्यक्ष कमल गिरी नयाँ नगर प्रवक्तामा नियुक्त भएको शुक्लाफाँटा नगरपालिकाका प्रमुख प्रशासकीय अधिकृत विशनसिंह थापाले बताए
नगरपालिकाको वसेको १०६ औं कार्यपालिका वैठकले वडाध्यक्ष गिरीलाई नयाँ नगर प्रवक्तामा नियुक्त गरेको हो । आज वसेको वैठकमा विभिन्न सदस्यहरुले नयाँ नगर प्रवक्ता नियुक्त गर्न प्रस्ताव पेश गरेसंगै नगर प्रमुख दिल बहादुर ऐरले वडा नम्बर ५ का वडाध्यक्ष कमल गिरीलाई नयाँ प्रवक्तामा नियुक्त गरेका हुन् । वर्षैपिच्छे कार्यपालिका वैठकमा नगर प्रवक्ताको विषय उठ्ने गरेको बताउँदै प्रमुख प्रशासकीय अधिकृत थापाले यस वर्ष नगर प्रवक्ता फेर्ने विषय कार्यपालिका वैठकमा उठेपछि सोही अनुरुप नयाँ नगर प्रवक्ता नियुक्त गरिएको जानकारी दिए ।
यस अघि शुक्लाफाँटा नगरपालिका वडा नम्बर ७ का वडाध्यक्ष जगत बहादुर सिंह नगर प्रवक्ता रहेका थिए । उनी २०७४ साल चैत्र २४ गते नगर प्रवक्तामा नियुक्त भएका थिए । यसैगरी नगरमा रहेका सामाजिक विकास समिति,पूर्वाधार,विधायन,वातावरण,आर्थिक लगायत ६ ओटा विषयगत समिति र नगरकार्यपालिका वैठकबाट पारित भएका थप २ ओटा नयाँ विषयगत समिति समेत भंग भएका अधिकृत थापाले बताए ।उनका अनुसार अबको कार्यपालिका वैठकबाट उक्त समितिहरुमा नयाँ पदाधिकारी नियुक्त गरिने बताए ।