आइतबार बिहान १० बजे घर नजिकैको मकैबारीमा शिशु जन्माएकी माधवीले सोही ठाउँमा केराको साप्रोले नवजात शिशुको घाँटी निमोठेर हत्या गरेको प्रहरीले जनाएको छ।

माधवीले नवजात शिशुको हत्या गरेपछि उनका ससुराले प्रहरीलाई जानकारी दिएका थिए । माधवी अहिले प्रहरीको नियन्त्रणमा रहेकी र आज अदालतबाट म्याद थपेर अनुसन्धान शुरु हुने भएको छ ।  ‘कर्तव्य ज्यान मुद्दामा माधवीमाथि अनुसन्धान शुरू भएको छ । अनुसन्धान पछि हामी अदालतमा पेश गर्छौ ।’

माधवीका श्रीमान वैदेशिक रोजगारमा गएका र उतै बेपत्ता रहेका प्रहरीले जनाएको छ । गाउँकै १७ बर्षीय किशोरसंग माधवीको अवैध सम्बन्ध रहेको बुझिएको छ । माधवीका १३ बर्षीय छोरा छन् । माधवी महिला स्वास्थ्य स्वयंसेविका समेत हुन् ।