कञ्चनपुर, भाद्र ८।कञ्चनपुरको भाइरल रोडको महाकाली नदिमा हाम फालेर एक शिक्षक बेपत्ता भएका छन् । सोमबार साँझ मदिरा सेवन गरेका शिक्षक महाकाली नदिमा हाम फाले पछि वेपत्ता भएका हुन ।
बर्षातले उर्लिदो महाकाली किनारमा चिटिक्क परेको सडक निर्माण हुँदा टिकटक बनाउने फोटो खिच्ने समुद्री तटजस्तै मनोरञ्जन गर्ने किशोरी किशोरीको रोजाई क्षेत्र बनिरहेका बेला एक शिक्षकले महाकाली नदीमा हाम फालेका छन ।
भीमदत्त नगरपालिका १३ ऐरी घर भएका ४५ बर्षिया शिक्षक कृष्णदत्त जोशीले महाकाली नदीमा हाम फालेर वेपत्ता भएका हुन ।
जिल्ला प्रहरी कार्यालय कार्यालय कञ्चनपुरका प्रहरी प्रवक्ता डिएसपी सिद्धराज न्यौपानेले सोमबार दिउँसो शिक्षक जोशीले महाकाली नदीमा हाम फालेर वेपत्ता भएको बताए ।
‘शिक्षकले महाकाली नदीमा हाम फालेको रहेछ, ‘उनले भने, ‘हिजोदेखि खोजिकार्य चलिरहेको छ अहिलेसम्म शव फेला परेको छैन ।’ दोधाराको एक निजी बोडिङ्गमा कार्यरत शिक्षकले महाकाली नदीमा हामफालेसंगै घरपरिवार, आफन्त एव गाँउले चिन्तित बनेका छन् । भाईरल रोड क्षेत्रमै गएका शिक्षकले हाम फालेपछि थप चिन्ताको विषय बनेको छ ।