काठमाडौं । नेपाली कांग्रेसका नेता प्रकाशमान सिंहले महाधिवेशन तयारीका लागि पार्टी प्यालेस भाडामा लिइ सम्पर्क कार्यालय खोल्ने भएका छन् । सिंहदरबार अगाडि यलम्बर पार्टी प्यालेस भाडामा लिएर सिंहले सम्पर्क कार्यालय खोल्न लागेका हुन् ।

मंगलबार बिहान उक्त सम्पर्क कार्यालय शुभारम्भ गर्ने कार्यक्रम छ । नेता तथा कार्यकर्ता भेटघाटलाई सजिलो होस् भनेर सम्पर्क कार्यालय खोलिएको सिंहको सचिवालयले जनाएको छ । सिंह यही मंसिर २४ देखि २७ गतेसम्म काठमाडौंमा हुने कांग्रेसको १४ औं महाधिवेशनमा सभापति पदमा उम्मेदवारी दिने तयारीमा छन् ।