कञ्चनपुर । कञ्चनपुरको बेलौरी नगरपालिकाले ३नम्बर वडा कार्यालय उद्घाटन गरेको छ । बेलौरी नगरपालिका ३ खिरिया चोकमा आधुनिक वडा कार्यालय भवन निर्माण गरेको हो ।
बिहीबार एक कार्यक्रमका विच नवनिर्मित वडा भवनको बेलौरी नगरका मेयर पोतिलाल चौधरीले उद्घाटन गर्नुभयो ।
भवन उद्घाटन गर्दै मेयर चौधरीले हरेक वडा निर्माण गरेर वडाबाटै जनतालाई अधिकार दिलाउने र सेवा प्रदान गर्ने बताए । ‘सिहदरबारको लक्ष्य अनुरुप बेलौरी नगरपालिकाले वडाबाटै सम्पूर्ण सेवा जनतालाई दिन्छ, ‘मेयर चौधरीले भने, ‘अब वडाबाटै सबै सेवा प्रदान हुन्छन ।’
मेयर चौधरीले नगरका केही वडा भवन निर्माण भईसकेको र केही हुनेक्रम चलिरहेको र बाँकी बन्ने बताउदै वडाबाटै जनतालाई सर्वसुलभ, गुणस्तरिय सेवा प्रदान गर्न वडाका जनप्रतिनिधी र कर्मचारीलाई समेत आब्हान गरेका छन ।
बेलौरी नगरपालिका ३का वडाध्यक्ष नेत्रराज गिरीको अध्यक्षतामा वडा भवन उद्घाटन गरिएको थियो । कार्यक्रममा राजनीतिक दल, जनप्रतिनिधी, नागरिक समाज एव स्थानीयको सहभागिता रहेको थियो । गाँउमै आधुनिक वडा भवन निर्माणसंगै स्थानीय हर्षित भएका छन ।