कञ्चनपुर चैत्र ५ । कञ्चनपुरको बेदकोट नगरपालिकामा जंगली बँदेलले आक्रमण गर्दा ५ जना घाइते भएका छन । सनिवार बेदकोट नगरपालिकाका २/ ३ र १० वडाको गाउँ टोलमा जंगली बदेल पसेर आक्रमण गरी ५ जना घाइते बनाएको छ।

बँदेलको आक्रमण बाट घाइरे  ४ जनाको महाकाली अस्पतालमा उपचार भैरहेको छ। बँदेलको आक्रमण बाट घाइते हुनेहरुमा बेदकोट वडा न २ का ६२ बर्षिय शोभी कोली ६० बर्षिय डम्मर लुहार ,  बेदकोट नगरपालिका ३ का पदमा कुवर र वडा नम्वर १० का शारदा भट्ट रहेका छन ।

सनिवार बदेलको आक्रमणमा परेका सबैलाइ बेदकोट नगरपालिका मेयर अशोक चन्दले आफ्नो फेसबुक मार्फत स्वास्थ्य लाभको कामना गरेका छन ।