धर्मान्नद भट्ट ,कञ्चनपुर ,

कयौंका सपनाहरू अझै अधुरा देखिन्छन्
कयौं स्वप्न कौसीमै भएका पूरा देखिन्छन्

गन्तव्य कठिन देखिन सक्छन् हार्नु हुँदैन
शिखर चढ्दा चारैतिर टाकुरा देखिन्छन्

कहिले काहीँ उच्चता ग्रन्थी सक्रिय हुन्छ
सामुन्ने पर्ने दुनियाँ सारा बेसुरा देखिन्छन्

सत्तामा पुगेपछि श्रमजीवी श्रम बिर्सन्छन
झुपडी देखिदैन बाटाभरि रेष्टुरा देखिन्छन्

परिवर्तन सत्य हो अरु सबै मिथ्या लाग्छन्
यहाँ आफ्नै भन्नेले बोकेका छुरा देखिन्छन्