कञ्चनपुर । नेपाल रेडक्रस सोसाईटी सुडा उपशाखाले वाढीपीडितलाई राहत समाग्री वितरण गरेको छ ।
शनिबार रेडक्रस सोसाईटी सुडा उपशाखाले वाढीपीडितलाई राहत समाग्री वितरण गरेको हो । नेपाल रेडक्रस सोसाईटी सुडाउपशाखाका सभापति शकर दत्त जोशीले गत असार २२देखि २४गतेसम्म आएको अबिरल बर्षातले बेदकोट नगरका विभिन्न वडा, बस्तीमा आएको वाढीबाट प्रभावित भएका परिवारलाई राहत समाग्री वितरण गरेको बताए । रेडक्रस सुडा उपशाखा सभापति जोशीका अनुसार ११ वाढीपीडित परिवारलाई एक÷एक सेट राहत किड, १७ परिवारलाई कम्बल र २ परिवारलाई त्रिपाल वितरण गरिएको बताए ।
वाढीबाट प्रभावित भएर विद्यालयमा आश्रय लिईरहेको उक्त वाढीपीडित परिवारलाई रेडक्रस उपशाखा सुडाबाट सक्दो सहयोग गरिएको सभापति जोशीले बताए । राहत वितरण कार्यक्रममा शाखा सभापति शंकर दत्त जोशी, संस्थापक सभापति नारायण गिरी, निर्वतमान सभापति भरत बहादुर रोकाया, सचिव प्रेमराज अर्याल, उप सचिव टेक बहादुर चन्द, उप कोषाध्यक्ष सरस्वती गिरी, सदस्य जयसिह धामी, टीआर पाण्डेय सहितको सहभागिता रहेको थियो । रेडक्रस सोसाईटी सुडा उपशाखाबाट राहत समाग्री पाएसंगै वाढीपीडित हर्षित भएका छन।