सञ्जय महर
कञ्चनपु्र,
नेकपा माओवादी केन्द्र निकट महिला संगठनले सात बर्ष अघि बलात्कारपछि हत्या गरिएकी निर्मला पन्तका बलात्कारी सार्वजनिक गर्न माग अघि सारेको छ । अखिल नेपाल महिला संघ(क्रान्तिकारी)ले सिडियो कार्यालय, डिआईजीदेखि गृहमन्त्री रमेश लेखकलाई बलात्कारपछि हत्या गरिएकी निर्मला पन्तका बलात्कारी सार्वजनिक गर्न माग अघि सारेको हो ।
कञ्चनपुरले सात बर्ष अघि हत्या गरिएकी निर्मलाका हत्यारा सार्वजनिक हुनुपर्ने माग अघि सारेको जनाएको छ । निर्मला मृत फेला परेकै मिति ११साउन(आइतबार) प्रशासन मार्फत गृहमन्त्री रमेश लेखकलाई ज्ञापन पत्र पठाउँदै अनेमसंघ(क्रान्तिकारी)ले यथाशिघ्र छानबिन गरेर दोषि उपर कार्बाहीको माग अघि सारेको जनाएको छ ।
अनेमसंघ(क्रान्तिकारी) कञ्चनपुरका संयोजक शान्ति शाहीले प्रमुख जिल्ला अधिकारी लक्ष्मण ढकाललाई ज्ञापन पत्र बुझाउँदै निर्मलाकै गृहनगरबाट काँग्रेस नेता रमेश लेखक गृहमन्त्रीमा भएपनि निर्मलाका बलात्कारी हत्यारा पत्ता लाग्न नसक्नु विडम्बना भएको बताईन ।
‘यस कञ्चनपुर निर्वाचन क्षेत्र ३बाटै निर्वाचित भई हाल गृहमन्त्री हुनुभएका रमेश लेखककै क्षेत्रमा १३ बर्षिया निर्मला पन्तको हत्या भएको ७ बर्ष वितिसक्दा पनि हालसम्म अपराधी पत्ता नलाग्नु क्षेत्रकै लागि दुखत पक्ष हो, ‘ज्ञापन पत्रमा भनिएको छ, ‘तत्तालिन समयमा निर्मला पन्तको आन्दोलनमा होमिएका स्वय गृहमन्त्री ज्यूको कार्यकाल एक बर्ष पुरा हुँदा पनि हालसम्म पत्ता लाग्न सकेको छैन ।’ अनेमसंघ (क्रान्तिकारी)ले बलात्कार पछि हत्या गरिएकी निर्मला हत्याकाण्डकोे यथाशिघ्र ले बलात्कार पछि हत्या गरिएकी निर्मला हत्याकाण्डकोे यथाशिघ्र छानबिन गरेर दोषि उपर कार्बाहीको नभए आन्दोलनको चेतावनी दिएका छन । ज्ञापन पत्र बुझ्दै प्रमुख जिल्ला अधिकारी लक्ष्मण प्रशाद ढकालले उक्त ज्ञापन पत्र गृहमन्त्रालय पठाएको बताए । आईतबारकै माओवादी निकट महिलाहरुले सुदूरपश्चिम प्रदेशका डिआईजी डम्बर बहादुर विश्वकर्मालाई पनि ज्ञापन पत्र दिएर अनुसन्धान गर्नुपर्नेमा ध्यानाकर्षण गराएका छन । माओवादी नेतृ माया नेगीले प्रदेश प्रहरी प्रमुखलाई समेत ज्ञापन पत्र बुझाएर निर्मण काण्ड सल्टाउन आग्रह गरेकोे बताईन । गृहनगरकै नेता लेखक निर्मला हत्याकाण्डामा धर्नादेखि घरमै गएर साथ दिएपनि अहिले गृहमन्त्री हुँदा वास्ता नराखेको भन्दै स्वयम काँग्रेस, सत्ताधारी एमाले, विपक्षी दलहरुले निर्मलाको न्यायका लागि पहल कम नभएको बताईरहेका छन ।