गुल्मी : गुल्मीमा जीप दुर्घटना हुँदा एक जनाको मृत्यु भएको छ भने ७ जना घाइते भएका छन्। गएराती जिल्लाको गुल्मीदरवार गाउँपालिका –२ मजुवाबाट हटियातर्फ जाँदै गरेको लु १ च ४७११ नम्बरको जीप दुर्घटना हुँदा २४ वर्षका चालक खेम गाहा मगरको मृत्यु भएको जिल्ला प्रहरी कार्यालय गुल्मीका प्रहरी उपरिक्षक प्रबीणलाल श्रेष्ठले जानकारी दिए।
उनका अनुसार जीपमा सवार तीन जना गम्भीर घाइते भएका छन् भने अन्य चार जनाको अवस्था सामान्य रहेको छ। घाइतेलाई थप उपचारका लागि पाल्पा प्रवासमास्थित लुम्बिनी मेडिकल कलेजमा पठाइएको छ। दुर्घटनामा परेको जीप सडकबाट करिब ३ सय मिटर तल खसेको प्रहरी उपरीक्षक श्रेष्ठले जानकारी दिए।
प्रतिक्रिया दिनुस