स्वास्थ्य तथा जनसंख्या मन्त्रालयले पछिल्लो २४ घण्टामा १,०९६ जनामा कोरोनाभाइरस संक्रमण भएको जानकारी दिएको छ। आइतबार आयोजित मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले पछिल्लो २४ घण्टामा १,०९६ जनामा कोरोना पोजेटिभ देखिएको जानकारी दिए।
मन्त्रालयका अनुसार आज ६,४९५ वटा नमुनाको परीक्षण गर्दा १,०९६ जना सङ्क्रमितहरू फेला परेका हुन्। योसँगै नेपालमा कोरोनाभाइरस संक्रमितको संख्या दुई लाख ४० हजार ९ सय ८१ पुगेको छ। पछिल्लो २४ घण्टामा १,७५२ जना डिस्चार्ज भएसँगै डिस्चार्ज हुनेको संख्या २,२५,८०५ पुगेको छ। यसैबीच पछिल्लो २४ घण्टामा १७ जनाले कोरोना संक्रमणबाट ज्यान गुमाएका छन्। योसँगै कोरोना संक्रमणबाट ज्यान गुमाउनेको संख्या १५९४ पुगेको छ।
प्रतिक्रिया दिनुस