अछाममा घरको छतबाट लडेर गम्भीर घाइते भएका एक पुरुषको मृत्यु भएको छ। जिल्लाको साँफेबगर नगरपालिका– ४ मा ट्याक्टर चालकको काम गर्दै आएका कैलालीको रामपुरका लाजुराम चौधरीको मृत्यु भएको प्रहरीले जनाएको छ।प्रहरीका अनुसार साँफेबगरमा डेरा गरी बस्दै आएका उनी शनिबार घरको छतबाट खसेका थिए।

लडेर गम्भीर घाइते भएका चौधरीको उपचारको लागि धनगढी ल्याउँदै गर्दा डोटीमा मृत्यु भएको जिल्ला प्रहरी कर्यालय अछामका प्रहरी नायव उपरीक्षक तुलसीराम अर्यालले जानकारी दिए।