बैतडीमा जंगली बँदेलको आक्रमणबाट एकजना गम्भीर घाइते भएका छन्। जिल्लाको दोगडाकेदार गाउँपालिका वडा नं ७ चडेपानीका २५ बर्षीय देवराज भट्टलाई बँदेलले आक्रमण गगरि घाइते बनाएको हो ।

आइतबार दिउँसो घर नजिकैको जंगलमा दाउरा चिर्न गएका भट्टलाई जंगली बँदेलले आक्रमण गरेको स्थानीय शिवराज भट्टले जानकारी दिए। घाइते भट्टको शरिरको पछाडीको भागमा बँदेलले आक्रमण गरेको प्रहरीले जनाएको छ । भट्टलाई उपचारका लागि डडेल्धुरा अस्पताल लगिएको घाइतेका आफन्तले बताएका छन् ।

जंगली जनावरले बालीनाली नष्ट गरेर आतंक मच्चाइरहेका बेला मानिसमाथि नै आक्रमण गर्न थालेपछि स्थानीयबासी त्रसित बनेका छन् ।